Í gær las ég yfir verkefni frá nemendum frá því í fyrra. Þetta eru allt mjög fín verkefni. Ég fór líka að vafra á vefnum eins og þar stendur og ég sló inn leitarorðið útilegumenn á Google.com. Ég smellti á vefsíðu og þar var þessi leikur sem heitir: Mörkuð borg. Ég hélt áfram að smella á vefsíður og þar fann ég nokkrar um Fjalla-Eyvind.

Nú lágu Danir í því ... Hildi H. Bjarnadóttur hefur þótt þetta sniðugt verkefni eins og mér, því ég rakst á verkefni eftir hana um útilegumenn, sem hún hefur greinilega gert á þessu námskeiði 1999. Mér fannst þetta alveg upplagt verkefni, þar sem ég er komin af Fjalla-Eyvindi í sjötta lið. En hann átti son sem Einar hét og var forfaðir minn. Ég fer ekki frekar út í þá sálma þar sem ég er ekki mjög ættfróð manneskja. En hvað um það hér er vefsíða Hildar.