Ég held ég sofi bara vel í nótt, mér tókst að laga tæknilegt vandamál varðandi heimsíðuna mína. Mér brá nú frekar í brún þegar ég fór inn á síðuna áður en ég yfirgaf skólann í dag, þá voru bakgrunnar, borðar og myndir bara "væk" af síðunni. Ég vissi að það var meira en lítið að, en fyrr mátti nú rota en dauðrota!

Ég lauk við að "rannsaka" blessuð börnin í dag og sameiginlegt með þeim öllum var, hvernig þau sátu við tölvuna; vinstri hönd undir kinn og hægri hönd á músinni. Það var ekki auðvelt að ná í börnin, annað hvort voru þau veik eða í frí! Það er léttir að vera búin að þessu. Á morgun setjumst við stöllur við tölvuna og kóðum inn o.s.frv.